ام المومنین حضرت عائشہ صدیقہ ؓ کی مرویات
ہمام کہتے ہیں کہ ایک مرتبہ حضرت عائشہ ؓ کے یہاں ایک مہمان قیام پذیر ہوا، حضرت عائشہ ؓ نے اپنا زرد رنگ کا لحاف اسے دینے کا حکم دیا، وہ اسے اوڑھ کر سوگیا، خواب میں اس پر غسل واجب ہوگیا، اسے اس بات سے شرم آئی کہ اس لحاف کو گندگی کے نشان کے ساتھ ہی واپس بھیجے اس لئے اس نے اسے پانی سے دھو دیا اور پھر حضرت عائشہ ؓ کے پاس واپس بھیج دیا، حضرت عائشہ ؓ نے فرمایا اس نے ہمارا لحاف کیوں خراب کیا؟ اس کیلئے تو اتنا ہی کافی تھا کہ اسے انگلیوں سے کھرچ دیتا، کئی مرتبہ میں نے بھی اپنی انگلیوں سے نبی ﷺ کے کپڑوں سے اسے کھرچا ہے۔