ام المومنین حضرت عائشہ صدیقہ ؓ کی مرویات
اسود کہتے ہیں کہ ایک مرتبہ کچھ لوگوں نے حضرت عائشہ ؓ کے سامنے ذکر کیا کہ نبی ﷺ کے وصی حضرت علی ؓ تھے، انہوں نے فرمایا کہ نبی ﷺ نے انہیں کب اپنا وصی مقرر فرمایا؟ میں نے نبی ﷺ کو اپنے سینے سے سہارا دیا ہوا تھا، انہوں نے ایک طشت منگوایا، بالآخر میری گود میں ہی ان کی روح نے پرواز کیا اور مجھے معلوم بھی نہ ہوسکا کہ آپ ﷺ کا وصال ہوچکا، تو نبی ﷺ نے انہیں اپنا وصی کب مقرر فرما دیا؟