حضرت صدیق اکبر ؓ کی مرویات
حضرت رافع طائی جو غزوہ ذات السلاسل میں حضرت صدیق اکبر ؓ کے رفیق تھے کہتے ہیں کہ میں نے حضرت ابوبکر ؓ سے انصار کی بیعت کے بارے میں کہی جانے والی باتوں کے متعلق سوال کیا تو انہوں نے وہ باتیں بیان فرمائیں جو انصار نے کہی تھیں، یا جو خود انہوں نے فرمائی تھیں، یا جو حضرت عمر فاروق ؓ نے انصار سے کی تھیں ور انہیں یہ بھی یاد دلایا کہ نبی ﷺ کے حکم سے آپ کے مرض الوفات میں وہ لوگ میری امامت میں نماز ادا کرتے رہے ہیں، اس پر تمام انصار نے میری بیعت کرلی اور میں نے اسے ان کی طرف سے قبول کرلیا، بعد میں مجھے اندیشہ ہو کہ کہیں یہ کسی امتحان کا سبب نہ بن جائے چناچہ اس کے بعد فتنہ ارتداد پیش آکر رہا۔