اس بات کی دلیل کے بیان میں کہ صلوہ وسطی نماز عصر ہے۔
ابوبکر بن ابی شیبہ، زہیر بن حرب، وکیع، شعبہ، حکم، یحییٰ بن حزار، علی، عبیداللہ بن معاذ، شعبہ، حکم، یحیی، حضرت علی ؓ فرماتے ہیں کہ رسول اللہ ﷺ نے غزوہ احزاب کے دن فرمایا اس حال میں کہ آپ ﷺ خندق کے راستوں میں سے ایک راستہ پر تشریف فرما تھے، مشرکوں نے ہمیں نماز وسطی سے روکے رکھا ہے یہاں تک کہ سورج غروب ہوگیا ہے اللہ ان کی قبروں اور گھروں کو یا فرمایا ان کی قبروں یا ان کے پیٹوں کو آگ سے بھر دے۔