نماز کے بعد ذکر کے استحباب اور اس کے بیان میں
عبدالحمید بن بیان واسطی، خالد بن عبداللہ، سہیل، ابوعبید مذحجی، مسلم ابوعبید مولیٰ سلیمان بن عبدالملک، عطاء بن یزید لیثی، حضرت ابوہریرہ ؓ سے روایت ہے کہ رسول اللہ ﷺ نے فرمایا کہ جس آدمی نے ہر نماز کے بعد 33 مرتبہ سُبْحَانَ اللَّهِ 33 مرتبہ اَلْحَمْدُ لِلَّهِ اور 33 مرتبہ اَللَّهُ أَکْبَرُ کہا تو یہ 99 کلمات ہوگئے اور سو کا عدد پورا کرنے کے لئے لَا إِلَهَ إِلَّا اللَّهُ وَحْدَهُ لَا شَرِيکَ لَهُ لَهُ الْمُلْکُ وَلَهُ الْحَمْدُ وَهُوَ عَلَی کُلِّ شَيْئٍ قَدِيرٌ کہہ لیا تو اس کے سارے گناہ معاف کر دئیے جائیں گے چاہے وہ سمندر کی جھاگ کے برابر ہوں۔