مردوں کے لئے ریشم وغیرہ پہننے کی حرمت کے بیان میں
محمد بن عبداللہ بن نمیر، اسحاق بن ابراہیم حنظلی، یحییٰ بن حبیب، حجاج بن شاعر، ابن حبیب، اسحاق، روح بن عبادہ، ابن جریج، ابوزبیر، جابر بن عبداللہ ؓ فرماتے ہیں کہ نبی ﷺ نے ایک دن دیباج کا ایک قبا پہنا جو کہ آپ ﷺ کے لئے ہدیہ کیا گیا تھا پھر آپ نے اس قبا کو اسی وقت اتار دیا اور پھر اسے حضرت عمر بن خطاب ؓ کی طرف بھیج دیا تو آپ ﷺ سے عرض کیا گیا اے اللہ کے رسول آپ ﷺ نے اس قبا کو بہت جلدی اتار دیا ہے تو آپ ﷺ نے فرمایا مجھے حضرت جبرائیل (علیہ السلام) نے اس کے پہننے سے منع کردیا ہے حضرت عمر ؓ روتے ہوئے آئے اور عرض کیا اے اللہ کے رسول جس چیز کو آپ ﷺ نے ناپسند فرمایا آپ نے وہ چیز مجھے عطا فرما دی اب میرا کیا بنے گا آپ نے فرمایا میں نے تجھے یہ قبا اس لئے نہیں دیا تاکہ تو اسے پہنے بلکہ میں نے یہ قبا تجھے اس لئے دیا ہے تاکہ اسے بیچ دے تو حضرت عمر ؓ نے وہ قبا دو ہزار درہم میں بیچ دیا۔