مردوں کے لئے ریشم وغیرہ پہننے کی حرمت کے بیان میں
زہیر بن حرب، یحییٰ بن سعید، شعبہ، ابوبکر بن حفص، سالم، ابن عمر، عمر بن خطاب، حضرت ابن عمر ؓ سے روایت ہے کہ حضرت نے عطادر خاندان کے ایک آدمی کو دیباج یا ریشم کا ایک قبا پہنے ہوئے دیکھا تو حضرت عمر ؓ نے رسول اللہ ﷺ سے عرض کیا کاش کہ آپ ﷺ اس قباء کو خرید لیتے تو آپ ﷺ نے فرمایا جو آدمی اس طرح کا لباس پہنتا ہے اس کا آخرت میں کوئی حصہ نہیں پھر رسول اللہ ﷺ کی خدمت میں ایک ریشمی جوڑا بطور ہدیہ کے آیا آپ ﷺ نے یہ جوڑا میری طرف بھیج دیا حضرت عمر ؓ کہتے ہیں کہ میں نے عرض کیا کہ آپ ﷺ نے یہ جوڑا میری طرف بھیج دیا ہے حالانکہ میں آپ ﷺ سے سن چکا ہوں آپ ﷺ نے اس بارے میں منع فرمایا ہے آپ ﷺ نے فرمایا میں نے یہ جوڑا تیری طرف اس لئے بھیجا تھا تاکہ تو اس سے فائدہ حاصل کرے ( اسے بیچ کر اس کی رقم سے اپنی کوئی ضرورت پوری کرلے)۔