سیدنا ابوہریرہ ؓ کے فضائل کے بیان میں
حرملہ بن یحییٰ تجیبی ابن وہب، یونس ابن شہاب عروہ بن زبیر عائشہ ؓ سے روایت ہے کہ کیا تم حضرت ابوہریرہ ؓ پر تعجب نہیں کرتے وہ آئے اور میرے حجرہ کے ایک طرف بیٹھ کر مجھے رسول اللہ ﷺ سے مروی حدیثیں سنانے لگے اور میں تسبیح کر رہی تھی اور میری تسبیح پوری ہونے سے پہلے ہی وہ اٹھ کر چلے گئے اور اگر میں ان کو پالیتی تو تردید کرتی کہ رسول اللہ تمہاری طرح مسلسل احادیث بیان نہ کرتے تھے