بیوہ عورت کے لئے تین دن سے زیادہ سوگ کی حرمت کے بیان میں
محمد بن مثنی، محمد بن جعفر، شعبہ، حضرت حمید بن نافع ؓ سے روایت ہے میں نے حضرت زینب ؓ بنت ام سلمہ ؓ سے سنا وہ فرماتی ہیں کہ حضرت ام حبیبہ ؓ کا کوئی رشتہ دار فوت ہوگیا تو انہوں نے زرد رنگ کی خوشبو منگوا کر اپنی کلائیوں پر لگائی اور کہنے لگیں کہ میں یہ اس وجہ سے کر رہی ہوں کیونکہ میں نے رسول اللہ ﷺ سے سنا ہے آپ ﷺ فرماتے تھے کہ کسی عورت کے لئے جو اللہ اور آخرت کے دن پر ایمان رکھتی ہو حلال نہیں کہ کسی میت پر تین دن سے زیادہ سوگ کرے سوائے خاوند کے کہ اس پر چار ماہ اور دس دن سوگ کرے۔