نماز خسوف میں عذاب قبر کے ذکر کے بیان میں
عبداللہ بن مسلمہ قعنبی، ابن بلال، یحییٰ بن عمرہ سے روایت ہے کہ ایک یہودیہ نے سیدہ عائشہ ؓ سے آکر کچھ مانگا تو انہوں نے کہا اللہ تجھے عذاب قبر سے پناہ دے، حضرت عائشہ ؓ نے فرمایا: میں نے عرض کیا، یا رسول اللہ ﷺ لوگوں کو کیا عذاب قبر ہوگا؟ عمرہ کہتی ہیں کہ حضرت عائشہ ؓ فرماتی ہیں کہ رسول اللہ ﷺ نے فرمایا اس سے اللہ کی پناہ، پھر رسول اللہ ﷺ ایک صبح سواری پر سوار ہوئے تو سورج گرہن ہوگیا حضرت عائشہ ؓ فرماتی ہیں کہ آپ ﷺ اپنی سواری سے اتر کر اپنی نماز پڑھنے کی جگہ تشریف لائے، پس آپ ﷺ کھڑے ہوگئے اور لوگ آپ ﷺ کے پیچھے کھڑے ہوگئے، عائشہ ؓ فرماتی ہیں کہ آپ ﷺ نے قیام طویل کیا، پھر آپ ﷺ نے رکوع کیا، پھر کھڑے ہوئے، پھر پہلے قیام سے کم لمبا قیام کیا، پھر رکوع کیا تو طویل لیکن پہلے رکوع سے کم، پھر آپ ﷺ نے سر اٹھایا تو سورج گرہن نکل چکا تھا، آپ نے فرمایا میں تم کو دیکھتا ہوں کہ تم قبروں میں آزمائے جاؤ گے فتنہ دجال کی طرح، عمرہ کہتی ہیں میں نے حضرت عائشہ ؓ سے سنا وہ فرماتی ہیں کہ میں نے رسول اللہ ﷺ سے اس کے بعد سنا کہ آپ ﷺ عذاب دوزخ سے اور عذاب قبر سے پناہ مانگتے تھے۔