جن کافروں کو پہلے اسلام دیا جا چکا ہو ایسے کافروں کو دوبارہ اسلام کی دعوت دیے بغیر ان سے جنگ کرنے کے جواز کے بیان میں
یحییٰ بن یحییٰ تمیمی، سلیم بن احضر، حضرت ابن عون ؓ سے روایت ہے کہ وہ کہتے ہیں کہ میں نے حضرت نافع ؓ کو لکھا اور ان سے قتال سے قبل کافروں کو اسلام کی دعوت دینے کے بارے میں پوچھا تو انہوں نے مجھے لکھا کہ یہ بات ابتداء اسلام میں تھی کیونکہ رسول اللہ ﷺ نے بنی مصطلق پر حملہ کیا اس حال میں کہ وہ بیخبر تھے اور ان کے جانور پانی پی رہے تھے تو آپ ﷺ نے ان کے جنگجو مردوں کو قتل کیا اور باقیوں کو قید کرلیا اور اس دن حضرت جویریہ ؓ آپ ﷺ کو ملیں راوی کہتا ہے کہ میرا گمان ہے کہ حضرت جویریہ ؓ حارث کی بیٹی ہیں اور یہ حدیث مجھے ابن عمر ؓ نے بیان کی کیونکہ وہ اس لشکر میں تھے۔