جنازہ کے لئے کھڑے ہوجانے کے بیان میں
ابوبکر بن ابوشیبہ، غندر، شعبہ، محمد بن مثنی، ابن بشار، محمد بن جعفر، شعبہ، عمرو بن مرہ، حضرت ابن ابی لیلی سے روایت ہے کہ قیس بن سعد اور سہل بن حنیف قادسیہ میں تھے کہ ان کے پاس سے ایک جنازہ گزرا وہ دونوں کھڑے ہوگئے تو ان سے کہا گیا کہ یہ اسی زمین والوں میں سے ہے یعنی کافر ہے تو ان دونوں نے کہا رسول اللہ ﷺ کے پاس سے ایک جنازہ گزرا آپ ﷺ کھڑے ہوئے تو آپ ﷺ سے کہا گیا کہ وہ یہودی ہے تو آپ ﷺ نے فرمایا کیا (اس میں) روح نہ تھی۔