میت کو غسل دینے کے بیان میں
ابوبکر بن ابی شیبہ، عمر وناقد، ابومعاویہ، محمد بن حازم، ابومعاویہ، عاصم احول، حفصہ بنت سیرین، حضرت ام عطیہ ؓ سے روایت ہے کہ حضرت زینب ؓ بنت رسول اللہ ﷺ فوت ہوگئیں تو ہمیں رسول اللہ ﷺ نے فرمایا ان کو طاق یعنی تین یا پانچ مرتبہ غسل دینا اور پانچویں مرتبہ کافور یا کچھ کافور ملا لینا جب تم اس کو غسل دے لو تو مجھے خبر دے دو ہم نے آپ ﷺ کو خبر دی تو آپ ﷺ نے اپنا تہبند عطا کیا اور فرمایا اس کو ان کے کفن سے نیچے لپیٹ دو۔