گھر والوں کے رونے کے وجہ سے میت کو عذاب دیئے جانے کے بیان میں
عمرو ناقد، عفان بن مسلم، حماد بن سلمہ، ثابت، حضرت انس ؓ سے روایت ہے کہ جب حضرت عمر ؓ کو زخمی کیا گیا تو حضرت حفصہ ؓ نے آپ ؓ پر آواز سے رونا شروع کردیا، حضرت عمر ؓ نے فرمایا: اے حفصہ! کیا تو نے رسول اللہ ﷺ سے نہیں سنا آپ ﷺ فرماتے تھے کہ جس پر آواز سے رویا جائے اسے عذاب دیا جاتا ہے اور آپ پر صہیب جب روئے تو حضرت عمر ؓ نے فرمایا اے صہیب کیا تو نہیں جانتا کہ جس پر آواز سے رویا جائے اسے عذاب دیا جاتا ہے۔