لا ولد کے لئے اور بچہ کی کنیت رکھنے کے جواز کے بیان میں
ابوربیع سلیم ابن داؤد عتکی، عبدالوارث ابوتیاح انس بن مالک، شیبان بن فروخ عبدالوارث ابی تیاح، حضرت انس بن مالک ؓ سے روایت ہے کہ رسول اللہ ﷺ اخلاق کے اعتبار سے سب سے اچھے تھے میرا ایک بھائی تھا جسے ابوعمیر کہا جاتا تھا راوی کہتا ہے کہ میں گمان کرتا ہوں کہ حضرت انس ؓ نے کہا کہ اس کا دودھ چھوٹ گیا جب رسول اللہ ﷺ تشریف لاتے تو اسے دیکھ کر فرماتے اے ابوعمیر! نغیر (ایک پرندے کا نام) نے کیا کیا اور وہ اس پرندہ سے کھیلا کرتے تھے۔