حضور ﷺ قائد المرسلین علیہم السلام اور خاتم النبیین ہیں :
اور حضرت جابر ؓ روایت کرتے ہیں کہ نبی کریم ﷺ نے فرمایا (قیامت کے دن) میں تمام نبیوں اور رسولوں کا قائد ہوں گا (کہ تمام نبی و رسول میدان حشر میں آنے کے لئے میرے پیچھے آئیں گے اور میں یہ بات فخر کے طور پر نہیں کہتا میں انبیاء (علیہم السلام) کے سلسلہ کو ختم کرنے والا ہوں یعنی نبوت مجھ پر ختم ہوگئی ہے اور میں یہ بات فخر کے طور پر نہیں کہتا، شفاعت کرنے والا سب سے پہلا شخص میں ہوں گا اور سب سے پہلے میری ہی شفاعت قبول ہوگی اور میں یہ بات فخر کے طور پر نہیں کہتا۔ (دارمی)