رمی جمرہ عقبہ تک برابر تلبیہ میں مصروف رہنا سنت ہے
حضرت ابن عباس ؓ کہتے ہیں کہ عرفات سے مزدلفہ تک تو اسامہ ابن زید ؓ نبی کریم ﷺ کے پیچھے بیٹھے رہے پھر آپ ﷺ نے مزدلفہ سے منیٰ تک فضل ؓ کو اپنے پیچھے بٹھا لیا تھا اور ان دونوں کا بیان ہے کہ رسول کریم ﷺ برابر لبیک کہتے رہے یہاں تک کہ آپ ﷺ نے جمرہ عقبہ پر کنکری ماری (یعنی قربانی کے دن جب جمرہ عقبہ پر پہلی ہی کنکری ماری تو تلبیہ موقوف کردیا) (بخاری و مسلم)