آنحضرت ﷺ کن چیزوں سے پناہ مانگتے تھے
حضرت ابوہریرہ ؓ کہتے ہیں کہ رسول کریم ﷺ یوں دعا مانگتے تھے۔ دعا (اللہم انی اعوذبک من الاربع من علم لا ینفع ومن قلب لا یخشع ومن نفس لا تشبع ومن دعاء لا یسمع)۔ اے اللہ میں چار چیزوں سے تیری پناہ مانگتا ہوں اس علم سے جو نفع نہ دے اس دل سے جو عاجزی نہ کرے اس نفس سے جو سیر نہ ہو اور اس دعا سے جو قبول نہ کی جائے۔ (احمد، ابوداؤد، و ابن ماجہ) نیز اس روایت کو ترمذی نے حضرت عبداللہ بن عمرو ؓ سے اور نسائی نے حضرت ابوہریرہ ؓ اور حضرت عبداللہ بن عمرو ؓ دونوں سے روایت کیا ہے۔