مشکوٰۃ المصابیح - کھانوں کے ابواب - حدیث نمبر 4090
وعن عائشة رضي الله عنها إن النبي صلى الله عليه وسلم قال : لا يجوع أهل بيت عندهم التمر . وفي رواية : قال : يا عائشة بيت لا تمر فيه جياع أهله قالها مرتين أو ثلاثا . رواه مسلم
کھجور کی فضلیت
اور حضرت عائشہ ؓ سے روایت ہے کہ نبی کریم ﷺ نے فرمایا اس گھر کے لوگ بھوکے نہیں رہتے جس گھر میں کھجور ہو۔ اور ایک روایت میں یوں ہے کہ آپ ﷺ نے فرمایا۔ عائشہ ؓ! جس گھر میں کھجور نہ ہو اس گھر کے رہنے والے بھوکے ہیں۔ آپ ﷺ نے یہ الفاظ تین مرتبہ فرمائے۔ (مسلم)

تشریح
بعض علماء نے وضاحت کی ہے کہ اس گھر کے رہنے والوں سے مراد اہل مدینہ اور وہ لوگ ہیں جن کی غذا کھجور ہے۔ نووی نے کہا ہے کہ اس حدیث میں درحقیقت کھجوروں کی فضیلت و اہمیت کا بیان ہے اور اس کے ذریعہ اپنے گھر والوں کی غذائی ضروریات کے لئے کھجوروں کا ذخیرہ کرنے کے جواز کا اظہار اور اس کی ترغیب دینا مقصود ہے۔
Top