نماز کسوف میں رکوع و سجود کی تعداد
اور حضرت عبداللہ ابن عباس ؓ فرماتے ہیں کہ رسول کریم ﷺ نے سورج گرہن کے وقت دو رکعت نماز آٹھ رکوع اور چار سجدوں کے ساتھ اس طرح پڑھائی کہ ہر رکعت میں چار چار رکعت اور دو دو سجدے کئے) اور اسی طرح حضرت علی المرتضیٰ ؓ سے بھی منقول ہے۔ (صحیح مسلم)
تشریح
وعن علی مثل ذلک کا مطلب یہ ہے کہ یا تو حضرت علی المرتضیٰ ؓ نے بھی یہ روایت نقل کی ہے کہ رسول اللہ ﷺ نے اس طرح نماز ادا فرمائی یا پھر یہ کہ حضرت علی المرتضیٰ ؓ کے بارے میں یہ منقول ہے کہ انہوں نے بھی اس طرح نماز ادا فرمائی۔