مشکوٰۃ المصابیح - فضائل قرآن کا بیان - حدیث نمبر 2158
وعن أبي هريرة رضي الله عنه قال : قال رسول الله صلى الله عليه و سلم : من قرأ ( حم ) الدخان في ليلة أصبح يستغفر له سبعون ألف ملك . رواه الترمذي وقال : هذا حديث غريب وعمر بن أبي خثعم الراوي يضعف وقال محمد يعني البخاري هو منكر الحديث
حم الدخان کی برکت
حضرت ابوہریرہ ؓ راوی ہیں کہ رسول کریم ﷺ نے فرمایا جو شخص رات میں حم الدخان (یعنی سورت دخان) پڑھتا ہے تو وہ اس حالت میں صبح کرتا ہے کہ ستر ہزار فرشتے اس کے لئے بخشش کی دعا مانگتے ہیں۔ امام ترمذی نے اس روایت کو نقل کیا ہے اور کہا ہے کہ یہ حدیث غریب ہے اور اس حدیث کے راوی عمر ابن ابی خثعم (روایت حدیث میں) ضعیف شمار کئے جاتے ہیں نیز محمد یعنی امام بخاری (رح) کہتے ہیں کہ وہ (عمر بن ابی خثعم) منکر الحدیث ہیں۔
Top