اگر تربیت یافتہ کتے وغیرہ کا پکڑا ہوا شکار مر بھی جائے تو اس کا کھانا جائز ہے
اور حضرت عدی ابن حاتم ؓ روایت کرتے ہیں کہ نبی کریم ﷺ نے فرمایا جس جانور کو تم نے سکھلایا خواہ وہ کتا ہو یا باز اور پھر تم نے ( ان میں سے) کسی کو شکار پر چھوڑا اور ( چھوڑتے وقت) اللہ کا نام لیا تو تم اس جانور کو کھالو جس کو اس ( کتے یا باز نے) تمہارے لئے پکڑا ہے۔ میں نے عرض کیا کہ اگرچہ اس نے اس ( شکار) کو مار ڈالا ہو؟ آپ ﷺ نے فرمایا جب کہ وہ کتا یا باز شکار کو مار ڈالے اور خود اس میں سے کچھ نہ کھائے تو اس کا مطلب اس کے سوا اور کچھ نہیں ہوسکتا کہ اس نے اس شکار کو تمہارے ( ہی) لئے پکڑ رکھا ہے۔ ( ابوداؤد )