جہاد میں شرکت، دوزخ سے محفوظ رکھنے کی ضامن ہے
اور حضرت ابوعبس کہتے ہیں کہ رسول کریم ﷺ نے فرمایا جس بندے کے پاؤں اللہ کی راہ (یعنی جہاد میں) گرد آلود ہوجاتے ہیں تو پھر اس کو (دوزخ کی آگ نہیں چھوتی۔ (بخاری)
تشریح
یہ ارشاد گرامی دراصل راہ جہاد میں سعی ومشقت کے اظہار کا کنایۃ پیرایہ بیان ہے اس بات کو زیادہ سے زیادہ بیان کرتا ہے کہ جب جہاد کے راستے میں محض قدموں کا گرد آلود ہوجانا دوزخ کی آگ سے حفاظت کا ضامن ہے تو نفس جہاد کے ثواب اور اس شخص کی فضیلت کا کیا اندازہ لگایا جاسکتا ہے جو راہ جہاد کی مشقتیں برداشت کرتا ہوا میدان جنگ میں پہنچے اور جہاد میں شریک ہو۔