مشکوٰۃ المصابیح - پاکی کا بیان - حدیث نمبر 363
وَعَنْ اَبِی اُمَامَۃَ اَنَّ رَسُوْلَ اﷲِ صلی اللہ علیہ وسلم قَالَ مَا جَا ءَ نِیْ جِبْرِیْلُ عَلَیْہِ اسَّلَامُ قَطُّ اِلَّا اَمَرَنِیْ بِالسِّوَاکِ لَقَدْ خَشِیْتُ اَنْ اُخْفِیَ مُقَدَّمَ فِیَّ۔ (رواہ مسند احمد بن حنبل)
مسواک کرنے بیان
حضرت ابی امامہ ؓ فرماتے ہیں کہ سرکار دو عالم ﷺ نے ارشاد فرمایا کہ جبرائیل (علیہ السلام) جب بھی میرے پاس آتے مجھے مسواک کرنے کا حکم دیتے (یہاں تک کہ) یہ مجھے خوف ہوا کہ (کہیں مسواک کی زیادتی سے) میں اپنے منہ کے اگلے حصہ کو چھیل نہ ڈالوں۔ (مسند احمد بن حنبل)

تشریح
مسواک کی اہمیت اور اس کی فضیلت کا اندازہ اس سے لگائیے کہ حضرت جبرائیل (علیہ السلام) جب بھی رسول اللہ ﷺ کے پاس تشریف لاتے آپ ﷺ کو مسواک کرنے کا حکم دیتے اور رسول اللہ ﷺ اس حکم کی بنا پر کثرت سے مسواک کرتے، چناچہ آپ ﷺ یہی فرما رہے ہیں کہ حضرت جبرائیل (علیہ السلام) کے بار بار حکم اور اس شدت سے تاکید کی بناء پر مسواک اتنی کثرت سے استعمال کرتا ہوں کہ مجھے یہ ڈر ہے کہ مسواک کی زیادتی سے کہیں میرا منہ نہ چھیل جائے۔
Top