رکوع اور سجدے میں کیا پڑھا جائے؟
حضرت عقبہ بن عامر ؓ سے روایت ہے کہ جب قرآن مجید کی آیت فَسَبِّحْ بِاسْمِ رَبِّكَ الْعَظِيمِ نازل ہوئی تو رسول اللہ ﷺ نے ارشاد فرمایا کہ: اس کو اپنے رکوع میں رکھو (یعنی اس حکم کی تعمیل میں سبحان ربی العظیم رکوع میں کہا کرو) پھر جب آیت سَبِّحِ اسْمَ رَبِّكَ الْأَعْلَى کا نزول ہوا تو آپ ﷺ نے فرمایا کہ: اس کو اپنے سجدے میں رکھو (یعنی اس کی تعمیل میں سُبْحَانَ رَبِّىَ الْأَعْلَى سجدے میں کہا کرو)۔ (سنن ابی داؤد، سنن ابن ماجہ، سنن دارمی)