معارف الحدیث - کتاب الصلوٰۃ - حدیث نمبر 719
عَنْ جَابِرِ بْنِ سَمُرَةَ ، قَالَ : « كَانَتْ لِلنَّبِيِّ صَلَّى اللهُ عَلَيْهِ وَسَلَّمَ خُطْبَتَانِ يَجْلِسُ بَيْنَهُمَا يَقْرَأُ الْقُرْآنَ ، وَيُذَكِّرُ النَّاسَ فَكَانَتْ صَلَاتُهُ قَصْدًا ، وَخُطْبَتُهُ قَصْدًا » (رواه مسلم)
نماز جمعہ اور خطبہ کے بارے میں رسول اللہ ﷺ کا معمول
حضرت جابر بن سمرہ ؓ سے روایت ہے کہ رسول اللہ ﷺ دو خطبے دیا کرتے تھے اور دونوں کے درمیان (تھوڑی دیر کے لئے) بیٹھتے تھے۔ آپ ان خطبوں میں قرآن مجید کی آیات بھی پڑھتے تھے اور لوگوں کو نصیحت بھی فرماتے تھے، آپ ﷺ کی نماز بھی درمیانی ہوتی تھی اور اسی طرح آپ ﷺ کا خطبہ بھی (صحیح مسلم)

تشریح
مطلب یہ ہے کہ آپ ﷺ کے خطبہ اور نماز میں نہ بہت طول ہوتا تھا اور نہ بہت زیادہ اختصار، بلکہ دونوں کی مقدار معتدل اور متوسط ہوتی تھی۔ قرأت کے بیان میں وہ حدیثیں پہلے گزر چکی ہیں جن میں بتلایا گیا ہے کہ جمعہ کی نماز میں آپ ﷺ کون کون سی سورتیں پڑھتے تھے۔
Top