سنن ابنِ ماجہ - اقامت نماز اور اس کا طریقہ - حدیث نمبر 1034
حدیث نمبر: 1034
حَدَّثَنَا أَبُو بَكْرِ بْنُ أَبِي شَيْبَةَ، ‏‏‏‏‏‏ وَهِشَامُ بْنُ عَمَّارٍ قَالَا:‏‏‏‏ حَدَّثَنَا سُفْيَانُ بْنُ عُيَيْنَةَ، ‏‏‏‏‏‏عَنْ الزُّهْرِيِّ، ‏‏‏‏‏‏عَنْ أَبِي سَلَمَةَ، ‏‏‏‏‏‏عَنْ أَبِي هُرَيْرَةَ، ‏‏‏‏‏‏أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ:‏‏‏‏ التَّسْبِيحُ لِلرِّجَالِ، ‏‏‏‏‏‏وَالتَّصْفِيقُ لِلنِّسَاءِ.
نماز میں مرد تسبیح کہیں اور عورتیں تالی بجائیں
ابوہریرہ ؓ سے روایت ہے کہ رسول اللہ ﷺ نے فرمایا: (نماز میں جب امام بھول جائے، تو اس کو یاد دلانے کے لیے) سبحان الله کہنا مردوں کے لیے ہے، اور تالی بجانا عورتوں کے لیے ہے ١ ؎۔
تخریج دارالدعوہ: صحیح البخاری/العمل في الصلاة ٥ (١٢٠٣)، صحیح مسلم/الصلاة ٢٣ (٤٢٢)، سنن ابی داود/الصلاة ١٥٥ (٦٣٩)، ١٧٣، (٩٣٩) سنن النسائی/السہو ١٥ (١٢٠٨)، (تحفة الأشراف: ١٥١٤١)، وقد أخرجہ: مسند احمد (٢/٢٦١، ٣١٧، ٦ ٣٧، ٢ ٤٣، ٤٤٠، ٣ ٤٧، ٤٧٩، ٤٩٢، ٥٠٧)، سنن الدارمی/الصلاة ٩٥ (١٤٠٣) (صحیح )
وضاحت: ١ ؎: اس حدیث سے معلوم ہوا کہ امام نماز میں بھول جائے، تو مرد سبحان الله کہہ کر اسے اس کی اطلاع دیں، اور عورت زبان سے کچھ کہنے کے بجائے دستک دے، اس کی صورت یہ ہے کہ اپنے دائیں ہاتھ کی دونوں انگلیوں سے اپنی بائیں ہتھیلی پر مارے، کچھ لوگ سبحان اللہ کہنے کے بجائے الله أكبر کہہ کر امام کو متنبہ کرتے ہیں، یہ کسی صحیح حدیث سے ثابت نہیں۔
It was narrated from Abu Hurairah (RA) that the Messenger of Allah ﷺ said: "The Tasbih (saying Subhan-Allah) is for men and clapping is for women." (Sahih)
Top