سنن ابو داؤد - مناسک حج کا بیان - حدیث نمبر 1842
حدیث نمبر: 1842
حَدَّثَنَا قُتَيْبَةُ بْنُ سَعِيدٍ، ‏‏‏‏‏‏أَنَّ مُحَمَّدَ بْنَ جَعْفَرٍ حَدَّثَهُمْ، ‏‏‏‏‏‏حَدَّثَنَا سَعِيدٌ، ‏‏‏‏‏‏عَنْ مَطَرٍ، ‏‏‏‏‏‏ويَعْلَى بْنِ حَكِيمٍ، ‏‏‏‏‏‏عَنْ نَافِعٍ، ‏‏‏‏‏‏عَنْ نُبَيْهِ بْنِ وَهْبٍ، ‏‏‏‏‏‏عَنْ أَبَانَ بْنِ عُثْمَانَ، ‏‏‏‏‏‏عَنْ عُثْمَانَ، ‏‏‏‏‏‏أَنّ رَسُولَ اللَّهِ صَلَّى اللَّهُ عَلَيْهِ وَسَلَّمَ، ‏‏‏‏‏‏ذَكَرَ مِثْلَهُ، ‏‏‏‏‏‏زَادَ:‏‏‏‏ وَلَا يَخْطُبُ.
کیا محرم نکاح کرسکتا ہے
اس سند سے بھی عثمان ؓ سے روایت ہے کہ رسول اللہ ﷺ نے کہا پھر راوی نے اسی کے مثل ذکر کیا البتہ اس میں انہوں نے ولا يخطب (نہ شادی کا پیغام دے) کے لفظ کا اضافہ کیا ہے ١ ؎۔
تخریج دارالدعوہ: انظر ما قبلہ، ( تحفة الأشراف: ٩٧٧٦) (صحیح )
وضاحت: ١ ؎: احرام کی حالت میں نہ تو محرم خود اپنا نکاح کرسکتا ہے نہ ہی دوسرے کا نکاح کرا سکتا ہے، عثمان ؓ کی یہ حدیث اس سلسلے میں قانون کی حیثیت رکھتی ہے، جس میں کسی اور بات کی کوئی گنجائش نہیں ہے، رہا ابن عباس ؓ کا یہ بیان (جو حدیث نمبر: ١٨٤٤ میں آرہا ہے) کہ آپ ﷺ نے میمونہ ؓ سے حالت احرام میں نکاح کیا تو یہ ان کا وہم ہے (دیکھئے نمبر: ١٨٤٥)، خود ام المومنین میمونہ ؓ اور ان کا نکاح کرانے والے ابورافع ؓ کا بیان اس کے برعکس ہے کہ یہ نکاح مقام سرف میں حلال رہنے کی حالت میں ہوا، تو صاحب معاملہ کا بیان زیادہ معتبر ہوتا ہے، دراصل ابن عباس ؓ نے مکہ نہ جا کر صرف ہدی (منی میں ذبح کیا جانے والا جانور) بھیج دینے کو بھی احرام سمجھا، حالاں کہ یہ احرام نہیں ہوتا، اور یہ نکاح اس حالت میں ہو رہا تھا کہ آپ ﷺ نے اشعار کرکے ہدی بھیج دی اور گھر رہ گئے، اور بقول عائشہ ؓ آپ ﷺ نے اپنے اوپر احرام کی کوئی بات لاگو نہیں کی۔
The aforesaid tradition has also been transmitted by Aban bin Uthman on the authority of Uthman from the Messenger of Allah ﷺ in a similar manner. This version adds “And he should not make a betrothal”
Top